რა უპირატესობებს სთავაზობს „ელთიბი პალიტრა“ მომხმარებელს?
2004 წელს ოფიციალურად რეგისტრირებული შ.პ.ს. ლთბ დღეისათვის საქართველოში ყველაზე მსხვილი კომპანიაა, რომელიც მომხმარებელს ავეჯის კომპონენტების მრავალფეროვან ასორტიმენტს, საწარმო და სამღებრო მომსახურებების სრულ სპექტრს სთავაზობს. ელთიბის შოურუმებში წარმოდგენილია მრავალფეროვანი პროდუქცია:
☑️ ავეჯის ფუენიტურა – სახელურები, საკიდები, საკეტები, სამზარეულოს მაკომპლექტებლები, ავეჯის ფეხები, ანჯამები, ასაწევი დასაყრდენი მექანიზმები, ავეჯის განათება და სხვა;
☑️საფასადე მასალები – ზედაპირები, მერქანბოჭკოვანი (MDF) და მერქანბურბუშელოვანი (დსპ) ფილები, კომპაქტლამინატი, წიბო და სხვა;
☑️ გაღებისა და დახურვის სისტემები – საგარდერობე მექანიზმები, საწოლის სისტემები, გარდერობის შემავსებელი კომპონენტები: თაროების სისტემები, ლიფტები და საკიდები, გორგოლაჭები და სხვა;
☑️ სამზარეულო ტექნიკა – გამწოვები, ზედაპირები, ღუმელები (ელექტრო, გაზის ან/და მიკროტალღური), ჭურჭლის სარეცხი მანქანები, მაცივრები და სხვა.
კომპანია ისეთი მსოფლიო მასშტაბის ბრენდების ექსკლუზიური წარმომადგენელია, როგორებიცაა: BLUM, FGV, EGGER, AMBOS, CINETTO, DAMIANO LATINI, NOBILI, ARTINOX, ELLECI, ITALIANA FERRAMENTA, FULGOR MILANO, MESAN, RODI, SIRO, SISO, SM’art, FAB, VONSILD, CLEAF, SPAX, ROBERTO MARELLA, FREUD და სხვა. გარდა ამისა, „ელთიბი“ თავადაც აწარმოებს ფასადების გამორჩეულ, უნიკალურ კოლექციას.
2019 წელს ელთიბის თანამედროვე იტალიური დანადგარებით აღჭურვილი სამღებრო – „ელთიბი პალიტრა“, დაემატა, სადაც მომსახურებები იტალიური ტექნოლოგიის გათვალისწინებითა და იტალიური საღებავებით ხორციელდება, რაც მომსახურებების მაღალი სტანდარტით შესრულების მთავარი წინაპირობაა.
პალიტრა მომხმარებელს სთავაზობს მრავალფეროვან სამღებრო მომსახურებებს:
🔳 შეღებვა – ავეჯისთვის განკუთვნილი ნებისმიერი მასალის დამუშავება მომხმარებლისთვის სასურველ ფერშია შესაძლებელი;
🔳 გალაქვა – ზედაპირის გლუვი ან პრიალა დაფარვა, რომელიც მასალის საექსპლუატაციო ვადას ზრდის;
🔳 დაპატინება – მასალის ფრაგმენტული შეღებვა ოქროსფრად, ვერცხლისფრად, შავად ან ბრინჯაოსფრად, რაც დეკორატიული ფუნქციის მატარებელია;
🔳 ტონირება – ნატურალური მასალის ან/და ხის ანათალით დაფარული ზედაპირის ტონირება სხვადასხვა ფერში, რაც მასალას ბუნებრივ ტექსტურას უნარჩუნებს;
🔳 რესტავრაცია – მასალის პირველადი ან მასთან მიახლოებული სახით აღდგენა.
2023 წელს ელთიბი პალიტრა აღიჭურვა იტალიური ავტომატიზებული ლაბორატორიით, რომელიც პირველია საქართველოში. ლაბორატორიის დახმარებით, ფერი კომპიუტერული მეთოდით მიიღება, რის შედეგადაც, გამარტივდა შერჩეული ფერის 90%-იანი ასლის შექმნა და ფერთა პალიტრა გაცილებით უფრო მრავალფეროვანი გახდა.
ამასთან, 2023 წელს პალიტრაში შეიქმნა შეღებილი ფასადების ახალი კოლექცია, რომელიც სრულიად ახალ პროექტს წარმოადგენს. ეს იმას ნიშნავს, რომ განახლდა ფასადების დამზადების ტექნოლოგია, შეკვეთის მიღების წესი და მიწოდების ვადები, რაც მომხმარებელს გაცილებით უფრო კომფორტულ პირობებს უქმნის. ახალი კოლექცია გამოირჩევა იმით, რომ იღებება ორმხრივად, შედეგად, კვადრატული ღირებულება მოიცავს როგორც მასალასა და დაჭრის მომსახურებას, ასევე დეტალის დამუშავებას შესაღებად და მის ორმხრივ ღებვას.
გარდა იმისა, რომ „ელთიბის“ შეღებილი ფასადების ახალი კოლექცია დიდუბის ფილიალშია (თ. ერისთავის ქ. №21) წარმოდგენილი, მომხმარებელს მისი დათვალიერება ონლაინ კატალოგის დახმარებითაც შეუძლია, რომელიც მოიცავს ფასადების ყველა ინტერპრეტაციას, მათ ნომენკლატურებს, ტექნიკურ ნახაზებსა და მზა გადაწყვეტილებებს რენდერების სახით, რაც ამარტივებს ფასადის აღქმას, შერჩევას და სხვადასხვა პროექტში გამოყენებას.
ამრიგად, „ელთიბი პალიტრა“ ევროპული სტანდარტების შესაბამის მომსახურებებსა და ექსკლუზიური ფასადების კოლექციას სთავაზობს მომხმარებელს, რომლის დახმარებითაც უნიკალური, ტრენდული ავეჯის აწყობაა შესაძლებელი.
თბილისი / თ. ერისთავის ქ. N21
032 266 71 61
socialmedia@ltb.ge
CityMarket.ge -ზე გამოქვეყნებული პუბლიკაციები, სტატიები, ინტერვიუები, ფოტო-ვიდეო-აუდიო მასალები და ა.შ. გამოყენება (გადაბეჭდვა) რეგულირდება მხოლოდ წერილობითი შეთანხმების საფუძველზე
3412
