რატომ ირჩევს თანამედროვე სამშენებლო ბაზარი სენდვიჩ პანელს?
სენდვიჩ პანელი ინოვაციური სამშენებლო მასალაა, რომელიც მისი მახასიათებლებისა და უპირატესობების წყალობით უნივერსალურ გადაწყვეტას წარმოადგენს მშენებლობის ფართო სპექტრისთვის.
ქართული მაღალტექნოლოგიური კომპანია IC Panel გაგაცნობთ 7 ძირითად მიზეზს, თუ რატომ ირჩევს თანამედროვე ინდუსტრიული მშენებლობის ბაზარი სენდვიჩ პანელებს და რა უპირატესობებით ხასიათდება მათი გამოყენება მშენებლობის პროცესში:
☑️ მსუბუქი წონა და კონსტრუქციის სიმარტივე - სწორედ ეს მახასიათებლები განაპირობებს მრავალი სამშენებლო ამოცანის გამარტივებას და სამუშაოს მოცულობის შემცირებას. ამასთან, პანელის ზედაპირი დამუშავებულია ქარხნულად, შეღებილია თერმულად, ანტიკოროზირებული საღებავით შესაბამისად არ მოითხოვს დამატებითი სარემონტო სამუშაოებს ფასადზე და ინარჩუნებს ფერს.
☑️ ექსპლუატაციის ხანგრძლივი ვადა - სენდვიჩ პანელები მდგრადია წლის ნებისმიერ დროს, ყველა კლიმატურ ზონაში და მათი ფუნქციონირება გარემო ფაქტორებზე არ არის დამოკიდებული. შეიძლება ითქვას, რომ ყველა საჭირო პირობის დაცვით, ექსპლუატაციის ვადა პრაქტიკულად შეუზღუდავია, 25 წლის განმავლობაში კი ინარჩუნებს თავდაპირველ მდგომარეობას. პანელების ექსპლუატაციის ხანგრძლივი ვადა მისი შემავსებლის მახასიათებლებითა და გარე ფენითაა განპირობებული.
☑️ ენერგოეფექტურობა - თბოიზოლაციის მაღალი კოეფიციენტი სენდვიჩ პანელების ერთ-ერთი ძირითადი მახასიათებელია, რომელსაც პოზიტიური გავლენა აქვს არა მხოლოდ ფინანსური ეკონომიის, არამედ ეკოლოგიის თვალსაზრისითაც. სამშენებლო მასალებს შორის პოლიურეთანის ქაფი გამოირჩევა თბოგამტარობის ყველაზე დაბალი მაჩვენებლით და შესაბამისად უზრუნველყოფს საუკეთესო თერმოიზოლაციას, რითაც მნიშვნელოვნად ამცირებს გათბობა-კონდიცირებისათვის საჭირო ენერგიის მოხმარებასა და კომუნალურ ხარჯებს.
☑️ ცეცხლმედეგობა - სენდვიჩ პანელი მიეკუთვნება გვიანი წვის სამშენებლო მასალების კატეგორიას და ახასიათებს ცეცხლმედეგობის განსაკუთრებით მაღალი მაჩვენებელი. ეს უკანასკნელი, პოლიიზოციანურატისა (PIR) და პოლიურეთანისთვის (PUR) სხვადასხვა პარამეტრებითაა განპირობებული. მაგალითად, პოლიიზოციანურატის სენდვიჩ პანელი (PIR) პოლიურეთანის პანელისგან (PUR) განსხვავდება აალების საწინააღმდეგო მაღალი კოეფიციენტით, ამცირებს ცეცხლისა და კვამლის გავრცელების ტემპს, ამასთან, ორივე მათგანი ხასიათდება თვითმაქრი ფუნქციით;
☑️ მშენებლობის სისწრაფე - სენდვიჩ პანელებით მშენებლობის კიდევ ერთ უპირატესობას ოპერატიულობა წარმოადგენს. ტრადიციულ მშენებლობასთან შედარებით, სენდვიჩ პანელებით მშენებლობა 3 ჯერ უფრო სწრაფად ხორციელდება. ასევე, აღსანიშნავია, რომ პანელით აწყობილი ნებისმიერი ტიპის კონსტრუქცია მისი მარტივი დემონტაჟის და მეორადი სენდვიჩ პანელების ხელახლა გამოყენების საშუალებასაც იძლევა;
☑️ ბიუჯეტურობა - ტრადიციულ მშენებლობასთან შედარებით, სენდვიჩ პანელით მშენებლობა, გაცილებით ნაკლებ ფინანსურ რესურს მოითხოვს. დაბალ ფასს განაპირობებს, როგორც უშუალოდ მასალის ღირებულება, ასევე მისი ის ტექნიკური მახასიათებლები, რომლებიც ამცირებს სამშენებლო ამოცანებს, შესაბამისად - პროცესის ხანგრძლივობასა და შრომით ხარჯებს.
☑️ ფერთა ფართო სპექტრი - სენდვიჩ პანელები მშენებლობაში ახალი ტიპის, სადა, მარტივ და თანმიმდევრულ არქიტექტურას ქმნის. ფერების დიდი არჩევანი კი დიზაინერებისა და არქიტექტორების მრავალფეროვან შესაძლებლობებს იძლევა.
ეს იმ უპირატესობების ძირითადი, თუმცა არასრული ჩამონათვალია, რომელთა დამსახურებითაც სენდვიჩ პანელი სულ უფრო მეტი პოპულარობით სარგებლობს ინდუსტრიულ ბაზარზე მთელი მსოფლიოს მასშტაბით.
IC Panel ნატახტარში მდებარე მაღალტექნოლოგიური ქართული საწარმოა, რომელშიც უწყვეტი ხაზის საშუალებით იწარმოება უმაღლესი ხარისხის კედლის, გადახურვის და სამაცივრე პოლიურეთანისა და პოლიიზოციანურატის სენდვიჩ პანელები, ასევე სხვადასხვა დანიშნულებისა და კონფიგურაციის კონტეინერები. ქარხანაშივე იწარმოება სენდვიჩ პანელებისა და კონტეინერებისათვის საჭირო ყველა აქსესუარი.
მცხეთა / ნატახტარი / ინდუსტრიული ზონა
595 81 28 12
595 82 38 23
info@ic.ge
CityMarket.ge -ზე გამოქვეყნებული პუბლიკაციები, სტატიები, ინტერვიუები, ფოტო-ვიდეო-აუდიო მასალები და ა.შ. გამოყენება (გადაბეჭდვა) რეგულირდება მხოლოდ წერილობითი შეთანხმების საფუძველზე
2551
