ისტორიაში მომზადება

მოგესალმებით!

ვიწყებ აბიტურიენტების ჯგუფების დაკომპლექტებას 2024 წლის ისტორიის ერთიანი ეროვნული გამოცდისათვის.

მომზადება შესაძლებელია ორ ლოკაციაზე: თემქა და ვარკეთილი. სურვილის შემთხვევაში მოვამზადებ დისტანციურადაც ონლაინ პლატფორმის გამოყენებით. მეცადინეობები ჩარდება კვირაში ორჯერ 1,5-2 სთ ხანგრძლივობით.

მუშაობის პროცესში განსაკუთრებულ ყურადღებას გავამახვილებთ ფაქტობრივი ცოდნის დაუფლებასა და მსჯელობა-ანალიზის უნარის განვითარებაზე. ვიმუშაობთ კონკრეტული სავარჯიშოების სპეციფიკის გააზრებასა და მეთოდოლოგიის დაუფლებაზე.

2023 წლის ისტორიის ერთიანმა ეროვნულმა გამოცდამ აჩვენა, რომ უმაღლესი შედეგის მისაღწევად მხოლოდ კონკრეტული პროგრამული წიგნებით ხელმძღვანელობა არაა საკმარისი. აბიტურიენტს სჭირდება ისტორიული მოვლენების სიღრმისეული ცოდნა და ამისათვის არაპროგრამული, ისტორიული ხასიათის სამეცნიერო ლიტერატურის გაცნობაც. ჩემთვის ერთ-ერთი პრიორიტეტი აღნიშნული მიმართულებით მეცადინეობების წარმართვა იქნება.

მეცადინეობის პროცესში ნარატიულ მასალებთან ერთად ვიმუშავებთ ვიზუალურ მასალებზეც, რაც აბიტურიენტს დაეხმარება კონკრეტული ისტორიული მოვლენების სრულყოფილად აღქმა- გააზრებაში.

რაც მთავარია, გაკვეთილები იქნება საინტერესო, სახალისო და შედეგზე ორიენტირებული!!!

მოკლედ ჩემს შესახებ:

მაქვს აბიტურიენტებთან მუშაობის გამოცდილება. ჩემი მოსწავლეები გამოცდაზე მიღწეული მაღალი შედეგებით სწავლას აგრძელებენ უმაღლეს სასწავლებლებში. დავასრულე თბილისის სახელმწიფო უნივერსიტეტის ისტორიის მიმართულება უმაღლესი აკადემიური მოსწრებით. (ბაკალავრის ხარისხი) დამატებით პროგრამად გავიარე პედაგოგიკა - 60 კრედიტიანი პროგრამა, რამაც საშუალება მომცა დავუფლებოდი მოსწავლეებისათვის ცოდნის გადაცემის ოპტიმალურ მეთოდებს. 2021-2023 წლებში 100%-იანი დაფინანსებითა და უმაღლესი აკადემიური მაჩვენებლებით გავიარე შუა საუკუნეების ისტორიის სამაგისტრო პროგრამა ივანე ჯავახიშვილის სახელობის უნივერსიტეტში. ვარ შუა საუკუნეების ისტორიის მაგისტრი. ჩაბარებული მაქვს მასწავლებლის კომპეტენციის დამადასტურებელი გამოცდა ისტორიაში. ვარ 176-ე საჯარო სკოლის ისტორიის მასწავლებელი. ვეწევი აქტიურ სამეცნიერო საქმიანობას, ვარ სამეცნიერო სტატიების ავტორი და სამეცნიერო კონფერენციების მონაწილე.

აბიტურიენტის მხრიდან სათანადო პასუხისმგებლობისა და მოტივაციის შემთხვევაში უმაღლესი შედეგი გარანტირებულია! 551076882; 571010479