მეცნიერებმა ობობას შხამისგან ინფარქტის წამალი შექმნეს

ავსტრალიელმა მეცნიერებმა ობობას შხამზე დაფუძნებული მედიკამენტი შეიმუშავეს, რომელსაც მიოკარდიუმის ინფარქტის მქონე პაციენტების გადარჩენა შეუძლია.  კვლევის შედეგები გამოცემა MedicalXpress-ში გამოქვეყნდა.

გულის შეტევის შემდეგ გულში სისხლის ნაკადის შემცირება ხდება, რაც გულის კუნთში ჟანგბადის უკმარისობას იწვევს. ჟანგბადის უკმარისობა უჯრედულ გარემოს მჟავედ აქცევს და მოლეკულურ დონეზე სხეული აგზავნის გულის უჯრედებს სიკვდილის სიგნალს.

ათწლეულების განმავლობაში მკვლევარებმა ვერ შექმნეს პრეპარატი, რომელიც  ამ "სიკვდილის სიგნალს" შეაჩერებდა. მაგრამ ქუინზლენდის უნივერსიტეტისა და ახალი სამხრეთი უელსის უნივერსიტეტის გულის კვლევის ინსტიტუტის ექსპერტებმა დაადგინეს, რომ Fraser Island funnel-ის ჯიშის ობობას შხამიდან Hi1a ცილა გულში მჟავაზე მგრძნობიარე იონურ არხებს ბლოკავს რაც ხელს უშლის"სიკვდილის სიგნალის" გადაცემას. 

შედეგად, პაციენტების გადარჩენის მაჩვენებელი, რომლებსაც გულის შეტევა აქვთ, იზრდება. გარდა ამისა, ავტორების აზრით, Hi1a ცილის საფუძველზე შექმნილ პრეპარატს შეუძლია მნიშვნელოვნად გაახანგრძლივოს დონორული გულის სიცოცხლისუნარიანობა.

ჩვეულებრივ, თუ დონორიის გული, დონორის ორგანიზმიდან ამოკვეთის შემდეგ 30 წუთზე მეტ ხანს არ ცოცხლობს, პრეპარატის საშუალებით მისი სიცოცხლისუნარიანობა 10 წუთით იზრდება, რაც ორგანოების ტრანსპლატაციის მხრივ უმნიშვნელოვანესი ფაქტორია. 

სტატიის ავტორი:report.ge