5 შეცდომა ბრტყელი გადახურვის მოწყობისას
მშენებლობა საქართველოში ერთ-ერთი ყველაზე სწრაფად განვითარებადი სფეროა. 15 წლის წინ თუ კონკრეტული ნაგებობის აშენებას საშუალოდ 3 დან 5 წელი სჭირდებოდა, ახლა ეს დრო 1-2 წლამდეა შემცირებული. ეს ყოველივე უახლესი ტექნოლოგიების დამსახურებაა, რომლის უმთავრესი შემადგენელი კონპონენტი სამშენებლო ქიმიის მიმართულებაა. მაღალი ხარისხის ქიმიური დანამატები ზრდის როგორც მშენებლობის ტემპს, აგრეთვე კონსტრუქციის ხარისხსა და მდგრადობას გარემო პირობების მიმართ. ბოლო წლებში საკმაოდ მოთხოვნადი გახდა ბრტყელი გადახურვები და ამას რა თქმა უნდა თავისი ობიექტური მიზეზები გააჩნია. მაგალითად როგორებიცაა:
☑️ სახურავის გამოყენება შესაძლებელია ექსპლუატირებად ტერასად;
☑️ სახურავზე შესაძლებელია მზის ენერგოპანელების მოწყობა;
☑️ ბრტყელი გადახურვა თანამედროვე დიზაინის შენობის შექმნის საშუალებას იძლევა;
☑️ ძლიერი ქარი ვერ აზიანებს სახურავს;
☑️ ტექნიკური დანადგარების მოთავსების იდეალური საშუალებაა ბრტყელი გადახურვა
მიუხედავად იმისა რომ ჩვენს ქვეყანაში ხელმისაწვდომია ნებისმიერი სირთულის ბრტყელი გადახურვის მოსაწყობი უმაღლესი ხარისხის ჰიდროსაიზოლაციო სისტემები, მშენებლები მაინც უშვებენ მიუტევებელ შეცდომებს. ეს შეცდომები ხშირად განპირობებულია არაგონივრულად თანხის დაზოგვის სურვილის გამო. სახურავის და ტერასის პრობლემის მოგვარება შემდგომში საშუალოდ ორჯერ ძვირი უჯდება მომხმარებელს ვიდრე მანამდე სწორად გაკეთების შემთხვევაში, რადგან უკვე მოწყობილი კვანძი გამოუსადეგარია და კონსტრუქია თავიდან არის გადასახური.
ჩვენს სტატიაში წარმოგიდგენთ 5 უხეშ შეცდომას, რომელსაც ხშირად უშვებენ მშენებლები ბრტყელი გადახურვის მოწყობის დროს.
1️⃣ რუბეროიდზე (ტოლი) გრანიტის, ბუნებრივი ქვის, დეკის ან რაიმე ტიპის საფარის დაგება
მოგეხსენებათ რომ რუბეროდი იგივე „ტოლი“ ერთ-ერთი უძველესი ჰიდროსაიზოლაციო მასალაა სამშენებლო სფეროში. იყო დრო როდესაც იგი შეუცვლელი პროდუქტი იყო და არ არსებობდა სხვა უფრო უკეთესი საშუალებები ბრტყელი ექსპლუატირებადი ტერასის მოსაწყობად. რუბეროიდი შედგება ბიტუმისგან ანუ გადამუშავებული ნავთობისაგან. მას არ გააჩნია ბუნებრივი ადგეზია წებოცემენტთან. გამოდის რომ შეუძლებელია რუბეროიდზე რაიმე საფარის მოწყობა წებოცემენტის საშუალებით. თუმცა არსებობს რუბეროიდი რომლის ზედაპირიც დაფარულია წვრილმარცვლოვანი ღორღით. აქ უშვებენ მშენებლები მიუტევებელ შეცდომას, როდესაც ფიქრობენ რომ „მოკროშკილ ტოლს“ აქვს უნარი მიიკრას გრანიტი წებოცემენტით. წვრილი ღორღი რომელიც რუბეროიდის ზედაპირზეა, განკუთვნილია მისი ზედაპირის მზისგან დასაცავადაა და არა რაიმე საფარის მოსაწყობად მის ზემოდან. აგრეთვე „ტოლზე“ სიარულის რეკომენდაციას თავად მისი მწარმოებელი ქარხნები არ იძლევიან, რადგან იგი ძირითადად არაექსპლუაირებადი გადახურვებისთვისაა შექმნილი, ანუ იქ სადაც ფეხით არ დადიან. რუბეროიდს სხვა უარყოფითი მხარეებიც აქვს რომლის გამოც მისი გამოყენება ტერასის ჰიდროსაიზოლაციოდ აკრძალულია. დეტალები კი შეგიძლიათ ჩვენს პირველ სტატიაში იხილოთ, რომელშიც რუბეროიდის ყველა დადებითი და უარყოფითი მხარეა საფუძვლიანადაა განხილული.
2️⃣ სახურავსა და ტერასაზე მშრალი მჭიმის ( სტიაშკა) მოწყობა
გადახურვის ფილის დასხმის შემდგომ აუცილებელია გაკეთდეს დათბუნება კარბონ ეკოს, ქვაბამბის ან სხვა ალტერნატიული მასალის მეშვეობით, რათა თავიდან კონდენსატის პრობლემა აიცილოთ სახლის ჭერიდან. ამის შემდგომ კი ისხმევა მოპრიალებული ბეტონი მინიმუმ B 25 მარკის, რომელზეც ეწყობა ჰიდროსაიზოლაციო სისტემა. ჩვენს რეალობაში ბეტონის ნაცვლად იყენებენ მშრალ ან სველ მჭიმს, რომელიც შედარებით ბიუჯეტური გამოსავალია და უფრო მარტივად გასაკეთებელი. მჭიმის გამოყენება გარე სამუშაოებისთვის ტერასაზე ან სახურავზე არ არის რეკომენდირებული. ამ ყოველივეს აქვს თავისი მიზეზი. მჭიმის ზედაპირის სიმტკიცე და მარკინობა არის ძალიან დაბალი. თუ ბეტონის მარკიანობა მინიმუმ 320 დან 350 მარკამდე აღწევს, მჭიმის შემთხვევაში ეს ციფრი 50 დან 150 მდე მერყეობს. „სტიაშკას“ არ გააჩნია უნარი გაუმკლავდეს გარემოს ტემპერატურულ ცვალებადობას. ზაფხულში როდესაც ზედაპირი +80° მდე ხურდება მასში არსებული ცემენტის მოლეკულები ფართოვდება. ზამთარში პირიქით ყივნის შედეგად ზედაპირი იკუმშება. შეკუმშვა-გაფართოების დროს მჭიმს უჩნდება ნაპრალები და ნახეთქები, რომლებიც აზიანებენ არსებულ ჰიდროსაიზოლაციო საფარს. სწორედ ამიტომ ხშირია შემთხვევები როდესაც მჭიმზე გაკეთებულ ჰიდროიზოლაციას ექმნება პრობლემები.
3️⃣ ჰიდროიზოლაციის ტენიან ზედაპირზე გაკეთება
სახურავის ან ტერასის ზედაპირის სათანადო სიმშრალე აუციებელია, რათა სამომავლოდ პრობლემები აირიდოთ თავიდან. თუ ჰიდროიზოლაციას გააკეთებთ ტენიან ზედაპირზე ამ შემთხვევაში რამდენიმე თვეში დაგიზიანდებათ იგი. სველ ან ტენიან ზედაპირთან ჰიდრიზოლაციას აქვს არასათაადო ადგეზია. ზაფხულში როდესაც ტემპერატურა მოიმატებს და ბეტონში არსებული სისველე აორთქლებად დაიწყებს, ქვევიდან აირების სახით მიაწვება ჰიდროსაიზოლაციო საფარს და დააზიანებს მას. ეს ყოველივე გამოიწვებს მისი ზედაპირიდან აძრობას. ამ ყოველივეს გამოსწორება კი რა თქმა უნდა დამატებითი ხარჯებია.
4️⃣ დაუმუშავებელ ზედაპირზე ჰიდროიზოლაციის გაკეთება
სახურავსა ან ტერასაზე თხევადი წასასმელი ჰიდროიზოლაციის მოწყობა რამდენიმე ეტაპად იყოფა:
☑️ ზედაპირის დასუფთავება და ბზარების დამუშავება
☑️ დაგრუნტვა შესაბამისი გრუნტი
☑️ ტემპერატურული ნაკეტების, პარაპეტის კუთხეების და გამსვლელი ტრაპების დამუშავება
☑️ ჰიდროსაიზოლაციო მემბრანის ფენების მოწყობა
☑️ დამცავი ფენის გაკეთება
ყოველი ეტაპი რა თქმა უნდა მნიშვნელოვანია, თუმცა ზედაპირზე არსებული ბზარების სწორად დამუშავება გახლავთ საფუძველი საიმედო დამცავი საფარის მოწყობის. რამდენიმე ტიპის ბზარი არსებობს და ყოველ მათგან განსხვავებული დამუშავება სჭირდება. ისინი აუცილებლად უნდა ჩაიჭრას და გაფართოვდეს. აღნიშული კვანძები საჭიროების მიხედვით მუშავდება მასტიკით, ეპოქსიდით, თვითწებვადი წყალგაუმტარი ლენტით და ა.შ. კატეგორიულად დაუშვებელია ბზარებზე ჩაჭრის და დამუშავების გარეშე პირდაპირ ჰიდრისაიზოლაციო მასალის წასმა. რაც არ უნდა მაღალი ხარისხის მასალა გამოიყენოთ, მაინც დაზიანდება აღნიშნული საფარი.
5️⃣ მასალის არასწორად შერჩევა
მიუხედავად იმისა რომ ჩვენი სურვილია ტერასებსა და სახურავებზე სწორი სისტემური გადაწყვეტილებები მიიღონ და აღნიშნული კვანძები თანამედროვე ტექნოლოგიური მიდგომებით დაამუშავონ, მაინც გვხდება სიტუაციები რომელშიც არასწორად არის შერჩეული მასალის მახასიათებლები. მაგალითად ეპოქსიდი უნიკალური ტიპის მასალა გახლავთ, თუმცა არის მყიფე და არ გააჩნია ელასტიურობა. ეპოქსიდს თუ გამოვიყენებთ იქ სადაც კონსტრუქცია ვიბრაციას განიცდის, იგი აუცილებლად დაიბზარება. როდესაც ექსპლუატირებად ტერასაზე სურთ დააგონ ბუნებრივი ქვა ან გრანიტი, ვთავაზობთ შესაბამის მასალას. არსებობს ჰიდროსაიზოლაციო სისტემა, რომელზეც შესაძლებელია სიარული, მაგიდების დადგმა და ა.შ. იგი არ საჭიროებს ზევიდან დამატებით დაცვას და რაიმეს დაგებას. უდიდესი მნიშვნელობა აქვს რა ტიპის საფარზე უნდა გაკეთდეს ჰიდროიზოლაცია. ბეტონი კი გახლავთ იდეალური ვარიანტი, თუმცა ხშირია მჭიმზე ჰიდროიზოლაციის მოწყობის საჭიროებაც. საბედნიეროდ დღეს ყველანაირი რესურსი არსებობს იმისათვის რომ ნებისმიერ მსგავსი ტიპის გამოწვევას პროფესიონალური გადაწყვეტილებით ვუპასუხოთ და მაქსიმალური შედეგი მიიღოს დამკვეთმა.
599 70 56 97
info@gdsupply.ge
CityMarket.ge -ზე გამოქვეყნებული პუბლიკაციები, სტატიები, ინტერვიუები, ფოტო-ვიდეო-აუდიო მასალები და ა.შ. გამოყენება (გადაბეჭდვა) რეგულირდება მხოლოდ წერილობითი შეთანხმების საფუძველზე
4595
