როგორ ავაშენოთ კოტეჯი მარტივად ?
თუ დიდი ხანია ოცნებობ, რომ ქალაქგარეთ, მყუდრო და ლამაზი კოტეჯი გქონდეს, ამისათვის გაგიზიარებთ რჩევებს, რომლის დახმარებითაც შენი ოცნება საკმაოდ რეალურ მიზნად გადაიქცევა. დამეთანხმებით, რომ ამ საუკუნეში უამრავი რესურსი და შესაძლებლობა გვაქვს იმისთვის, რომ ჩვენივე სურვილები საკმაოდ რეალური გავხადოთ.
სხვა ტიპის კონსტრუქციებისგან განსხვავებით, კოტეჯების აშენება საკმაოდ მარტივი და მოსახერხებელია. მისი მთავარი ღირებულება და უპირატესობა კი სწრაფად აშენების შესაძლებლობაში და ეკოლოგიურობაში მდგომარეობს. კოტეჯები დამზადებულია ბუნებრივი მასალებისგან, რის გამოც, გარემო ყოველთვის უფრო სუფთა, ჯანსაღი და სასიამოვნოა. ამ ტიპის საცხოვრებელს უდიდესი გავლენა და სარგებელი მოაქვს როგორც ჩვენთვის, ისე გარემოსთვის.
დღევანდელ დღეს, კოტეჯი საკმაოდ პოპულარული სივრცეა და აქ დამსვენებელთა რაოდენობა ყოველწლიურად იზრდება. ის მოთხოვნადია არამარტო ტურისტებისთვის, არამედ ადგილობრივებისთვისაც, რადგან სასტუმროსგან განსხვავებით, მას ბევრი უპირატესობა გააჩნია. კოტეჯებს ბევრ რეგიონსა თუ ზღვისპირა ქალაქში შეხვდებით, ამიტომ სანამ მის აშენებას გადაწყვეტთ, უმჯობესია რამდენიმე დეტალზე გაამახვილოთ ყურადღება. პირველ რიგში, წინასწარ შეარჩიეთ მისი ადგილმდებარეობა და დიზაინი. რაც ყველაზე მთავარია, ითანამშრომლეთ კომპანიასთან, რომელიც სრულად დააკმაყოფილებს თქვენს მოთხოვნებსა და სტანდარტებს და საუკეთესო შედეგს შემოგთავაზებთ. ზუსტადაც რომ ჩვენ ვართ ასეთი კომპანია.
✔️ რა მასალისგან მზადდება კოტეჯი?
კოტეჯები ძირითადად ხის მასალისგან მზადდება, რასაც უამრავი უპირატესობა აქვს. ხე საკმაოდ ორგანული და მდგრადი სამშენებლო მასალაა. სამუშაოდ ის საკმაოდ მარტივია, რაც დიდი დროისა და ენერგიის დაზოგვას გულისხმობს. ამასთანავე, ხე განსაზღვრავს ენერგოეფექტურობას და შიდა სივრცეში ინარჩუნებს სტაბილურ ტემპერატურასა და ტენიანობას, რაც სრული კომფორტის გარანტიაა. გარდა ამისა, ხისგან დამზადებულ კოტეჯებს ახასიათებს გამძლეობა და სათანადო დაცვის პირობებში, ის სრულიად უსაფრთხოა ხანძრისგან. აღარაფერს ვამბობ მის ვიზუალზე, რომელიც საკმაოდ მყუდრო, ეფექტური და მიმზიდველია. ხის მასალა გვეხმარება ინტერიერის შექმნის დროსაც, რადგან ის განუსაზღვრელ შესაძლებლობებსა და მრავალფეროვან არჩევანს გვთავაზობს, შევარჩიოთ ჩვენთვის სასურველი ფერის, ფორმისა და სტრუქტურის ავეჯი
✔️ რა დადებითი მხარეები აქვს კოტეჯის მშენებლობას?
როგორც იცით, დღევანდელ დღეს, საკმაოდ დიდი მნიშვნელობა ენიჭება ეკოლოგიურად სუფთა და ჯანსაღ გარემოს, რაც ჩვენი ყოველდღიურობის ფონზე,რთულად მისაღებია. კოტეჯების მშენებლობის მთავარი მიზანიც სწორედ ეს არის. მარტივად შეგვიძლია შევქმნათ ეკოლოგიურად სუფთა, კომფორტული და მყუდრო გარემო ნებისმიერი ტიპის დამსვენებლისათვის. კოტეჯების მშენებლობა, ნებისმიერი სხვა შენობისგან განსხვავებით, საკმაოდ მოსახერხებელია, რადგან მისი მარტივი კონსტრუქცია ამის საშუალებას გვაძლევს. გაითვალისწინეთ ის ფაქტორიც, რომ ეს საკმაოდ მომგებიანი ბიზნესია, რადგან როგორც ზემოთ აღვნიშნეთ, კოტეჯებზე მოთხოვნა დღითიდღე უფრო იზრდება. სტუმართა რაოდენობა და მათი დაინტერესება კი ნამდვილად გვაფიქრებინებს, რომ ფინანსურად ის საკმაოდ შემოსავლიანია. შესაბამისად, სარგებელი ორმხრივია, რადგან ერთის მხრივ, ვქმნით ეკოლოგიურად სუფთა გარემოსა და კომფორტულ სივრცეს დამსვენებლებისათვის, ვავითარებთ ტურიზმს და ამასთანავე, ფინანსურ სარგებელსაც ვიღებთ.
✔️ რა პროცესები უნდა გავიაროთ კოტეჯის მშენებლობისას?
როგორც უკვე გითხარით, კოტეჯების აშენების პროცესი, სხვა შენობა-ნაგებობებისგან განსხვავებით, შედარებით მარტივია და საკმაოდ მოკლე დროშია შესაძლებელი. გარკვეულწილად, ის ხელოსანთა გუნდის მუშაობაზეცაა დამოკიდებული, მაგრამ პროცესი ყველასათვის სტანდარტულია.იმისათვის, რომ წინასწარ გქონდეთ განსაზღვრული თქვენი საჭიროებები და სრულ მზადყოფნაში იყოთ ამ საპასუხისმგებლო ნაბიჯის გადასადგმელად, მინდა ეს ეტაპები დეტალურად გაგაცნოთ. სასურველი ადგილმდებარეობის შერჩევის შემდეგ, თავდაპირველად, ხდება საძირკვლის ჩაყრა, მილების კვადრატების მომზადება და ბეტონის ჩასხმა, რის შემდეგაც იღებება ფილები, ეწყობა კედლის კონსტრუქციები და სწორდება ლაზერზე. მომდევნო ეტაპი კვლავ მილების კვადრატების მომზადებით იწყება, მზადდება ასევე იატაკის კუთხეები, იწყობა კონსტრუქცია, იკვრება ფილები და მონტაჟდება პროფილის კედლები. ამის შემდეგ, კი ყურადღება ეთმობა ანფასის კედლების აწყობასა და მონტაჟს. შემდეგი ნაბიჯი სახურავის მოპირკეთებას გულისხმობს. ამისათვის, ვალაგებთ სახურავის ძელებს, ვაგრძელებთ ლართხის დაკვრით და სილიკატებით ვამუშავებთ მის კონსტრუქციას, რის შემდეგაც ხდება დიფუზიური მემბრანის მოწყობა, ვაკრავთ მას სახურავს და ხორციელდება ხის პანელის გალაქვა, რაც ძალიან მნიშვნელოვანი და აუცილებელი კომპონენტია ამ პროცესში.
ლაქით დამუშავება უზრუნველყოფს უსაფრთხოებას, არის საკმაოდ გამძლე და მაქსიმალურად ინარჩუნებს თავდაპირველ მდგომარეობასა და შეფერილობას. გარდა ამისა, კოტეჯს ვიზუალურ ელფერს სძენს და იცავს გარემოს ზემოქმედებისგან. გაითვალისწინეთ, რომ ლაქით დამუშავება საკმაოდ საპასუხისმგებლო საქმეა და ის ზედაპირის დამუშავებასა და ტექნოლოგიების სრულ დაცვას საჭიროებს. მომდევნო ეტაპი გარე ფასადის დამუშავებას გულისხმობს, რა დროსაც, უზრუნველვყოფთ ხის პანელის გალაქვას, დიფუზიური მემბრანისა და ანფასის კედლების მოწყობას. ამის შემდეგ კი, ეწყობა ანფასისა და პროფილის პანელები. გვინდა შევეხოთ თბოიზოლაციასაც, რომელსაც საკმაოდ მნიშვნელოვანი სარგებელი აქვს.
ის ენერგომოხმარების შემცირების საუკეთესო მეთოდია. მის შედეგად, შენობაში ტემპერატურის აწევისა და დაწევის საჭიროება 60-70%-ით მცირდება, რაც არამარტო კომფორტული, არამედ ფინანსურადაც ეკონომიურია. ის მნიშვნელოვნად ზოგავს ზედმეტ ენერგიაზე გაწეულ ხარჯს და კომუნალური გადასახადის შესამცირებლად ყველაზე ეფექტური გზაა. კოტეჯის მშენებლობისას კი, დიდი ყურადღება ეთმობა იატაკის თბოიზოლაციისა და OSB 1.8 მონტაჟს.
ამ ყველაფრის შემდეგ, იწყება აბაზანის ტიხრისა და ანტრესოლის კონსტრუქციის მოწყობა. ანტრესოლი კოტეჯის ერთ-ერთი დამახასიათებელი ნაწილია, რომელიც ფართის დაზოგვის საშუალებას გვაძლევს და საკმაოდ პრაქტიკულია. დღეს ის საკმაოდ პოპულარულია. მასზე, ძირითადად, საძინებელი საწოლი თავსდება და ვიზუალურად ბევრად ეფექტურია, ვიდრე ორსართულიანი საძინებელი. პროფილისა და ანფასის თბოიზოლაციების ჩალაგების შემდეგ, მომდევნო ეტაპი ელექტრობის გაყვანასა და ანფასისა და პროფილის პანელების აკვრას გულისხმობს, რის შემდეგაც აბაზანაზე ვაკრავთ ხის პანელს, იწყება უკვე სანტექნიკის მოწყობა და მზადდება აბაზანისა და სამზარეულოს თაბაშირ-მუყაო. ანტრესოლის იატაკის მოწყობის შემდეგ, გადავდივართ სახურავზე, სადაც ხორციელდება თბოიზოლაციისა და ხის პანელის აკვრა. შემდეგი საფეხური კი, კაფელ-მეტლახისა და ანტრესოლის მოაჯირის მომზადებას გულისხმობს, რის შემდეგაც მონტაჟდება კიბე და პლინთუსები.
მომდევნო ეტაპი როზეტების დამონტაჟებაა, მზადდება ასევე გარე მოაჯირი და ვიწყებთ შიდა ინტერიერის ლაქით დამუშავებას. რჩება ბოლო ეტაპი, რომელიც გარე პლინთუსების დასრულებასა და როგორც შიდა, ისე გარე გალაქვას გულისხმობს.
✔️ ხის კოტეჯის უპირატესობები :
ხის კოტეჯი პატარა, ბიუჯეტური და მოსახერხებელი ნაგებობაა, რომელსაც უკვე ბევრ მაღალმთიან სოფელსა თუ ზღვისპირა ქალაქში შეხვდებით. ბოლო წლების განმავლობაში, ის საკმაოდ დიდი პოპულარობით სარგებლობს, რადგან ძალიან მყუდრო და კომფორტულ მოსასვენებელ სივრცედაა აღიარებული. ამ ბლოგში მინდა გესაუბროთ იმაზე, თუ რატომ უნდა შევაჩეროთ არჩევანი მასზე და რა უპირატესობები აქვს ხის კოტეჯებს ქვის ნაგებობებისგან განსხვავებით.
უპირველეს ყოვლისა, მინდა ყურადღება გავამახვილო მის ღირებულებაზე. სხვა ტიპის კონსტრუქციებისგან განსხვავებით, ის საკმაოდ ბიუჯეტური და ხელმისაწვდომია დამსვენებლებისათვის. ასევე მინდა აღვნიშნო, რომ ხის სახლებისა და კოტეჯების აშენების მთავარი ღირებულება მისი სწრაფად აშენების შესაძლებლობასა და ეკოლოგიურობაშია. სწორედ იმის გამო, რომ ის დამზადებულია ბუნებრივი მასალისგან, გარემო ყოველთვის უფრო სუფთა, ჯანსაღი და სასიამოვნოა, რაც ძალიან სასარგებლოა მათთვის, ვისაც ჯანმრთელობის პრობლემები აქვს.
ყურადღება მინდა გავამახვილო იმ ფაქტზეც, რომ ამ ტიპის საცხოვრებელს უდიდესი სარგებელი მოაქვს არა მარტო ჩვენთვის, არამედ გარემოსთვისაც. ხე არის ბუნებრივი იზოლატორი, რომელიც ნებისმიერ დროს, არასასურველი ამინდის მიუხედავად, შიდა სივრცეში ინარჩუნებს სტაბილურ ტემპერატურასა და ტენიანობას, რაც ზამთარში სითბოს, ხოლო ზაფხულში სიგრილის გარანტიაა. მას ასევე აქვს კიდევ ერთი მნიშვნელოვანი თვისება, რომელიც ქვის ნაგებობებისაგან განასხვავებს. ის არის ზედმეტი ხმაურისგან შეზღუდული სივრცე, რადგან ხეს აქვს სწორედ ეს ფუნქცია, ის შთანთქავს გარე ხმას და აქცევს წყნარ და მშვიდ გარემოდ, რაც ძალიან დიდ კომფორტს უქმნის ყველა სტუმარს. დამეთანხმებით, რომ ასეთ გარემოში დასვენება ბევრად უფრო სასიამოვნო და პრიორიტეტულია.
გარდა ამისა, ქვისგან განსხვავებით, ხის სახლებსა და კოტეჯებს გააჩნიათ ენერგოეფექტურობა, რაც ენერგიის მნიშვნელოვან დაზოგვას გულისხმობს სხვადასხვა ტექნიკის გამოყენების დროს.
როგორც უკვე გითხარით, ხის კოტეჯების აშენება უმოკლეს დროში არის შესაძლებელი. მშენებლობისას აუცილებელია რამდენიმე ნიუანსზე გავამახვილოთ ყურადღება. პირველ რიგში, უნდა გავითვალისწინოთ მისი ადგილმდებარეობა, შევარჩიოთ ხარისხიანი მასალა, სტრუქტურა, ღირებულება და ვიზუალური მხარე. მის აშენებას საშუალოდ ორი კვირა სჭირდება, რაც დამეთანხმებით, საკმაოდ მოსახერხებელია, რასაც ნამდვილად ვერ ვიტყვით ქვისგან აშენებულ სახლებსა და შენობებზე.
კიდევ ერთი უპირატესობა არის ის, რომ ხე არის ორგანული და მდგრადი სამშენებლო მასალა, რაც გარემოზე ზემოქმედებას კიდევ უფრო ამცირებს. ასევე, ქვისგან განსხვავებით, ხე მარტივად სამუშაო მასალაა, რაც პრაქტიკაში დიდი დროის, ენერგიის, შრომისა და ფინანსების დაზოგვას გულისხმობს.
ხომ გახსოვთ, რომ ძველად, სახლები მთლიანად ბუნებრივი მასალებისგან მზადდებოდა, ესენი კი ძირითადად იყო ქვა და თიხა. დროის სვლასთან ერთად, კი შეიცვალა ადამიანთა მოსაზრებებიც, გაჩნდა ახალი მასალები. გაიზარდა ასევე საზოგადოების მოთხოვნა, კომფორტისა და ეკოლოგიურად სუფთა მასალების მიმართ, რაც საკმაოდ მისასალმებელია. დღევანდელი ყოველდღიურობიდან გამომდინარე, მათ უჩნდებათ სურვილი, იცხოვრონ ბუნებასთან ახლოს, ეკოლოგიურად სუფთა და შედარებით ნაკლებად ურბანულ გარემოში. ამისათვის კი ყველაზე კარგი და ბიუჯეტური გამოსავალია ხის კოტეჯების მშენებლობა, რაც საკმაოდ მომგებიანია მათთვის, რადგანაც ქმნიან კიდევ ერთ ეკოლოგიურად სუფთა გარემოსა და სივრცეს დამსვენებლებისათვის.
✔️ რამდენად გამძლეა ხის მასალა?
ხშირად ფიქრობენ, რომ ხის მასალა მისი კომფორტულობისა და კიდევ ბევრი სხვა უპირატესობების მიუხედავად, არაპრაქტიკულია, რადგან მას არ აქვს გამძლეობა და მალე ფუჭდება. ამ დროს, კი ხე არის მასალა, რომელიც კარგად უძლებს ტენიანობას და ბუნებრივი მოვლენებისაგან გამოწვეულ უარყოფით გავლენას. (მაგალითად: ქარი, სეტყვა) მინდა გაცნობოთ, რომ ჩრდილოეთ ევროპის ქვეყნებში დღემდე დგას ხის სახლები, რომლებიც აშენებული და დასახლებულია 200 წელზე მეტი ხნის განმავლობაში, ამიტომ რაც არ უნდა გასაკვირი იყოს, მყარი ბეტონისა და ქვის სახლები უფრო მალე შეიძლება მივიდეს დანგრევის პირას, ვიდრე ხის ნაგებობები.
სათანადო დაცვისა და მოვლის პირობებში კი, ის სრულიად უსაფრთხოა ხანძრისგან, ვიდრე სხვა ტიპის შენობები. გაგიკვირდებათ, მაგრამ ზოგიერთი მასალისგან განსხვავებით, ხე შეიძლება იყოს ცეცხლგამძლე მასალა, რომელიც ძალიან ნელა იწვის და რთულად აალებადია.
არ უნდა დაგვავიწყდეს, რომ ჩვენ ვცხოვრობთ ისეთ დროსა და ეპოქაში, სადაც უდიდესი მნიშვნელობა ენიჭება ეკოლოგიას, სუფთა და ჯანსაღ გარემოს, რისი ფუფუნებაც, როგორც უკვე აღვნიშნე, დღევანდელ დღეს, რთულად მისაღებია. ყოველდღიურად, ავტომობილების გამონაბოლქვით ბინძურდება ჰაერი, რასაც ძალიან ბევრი პრობლემის შექმნა შეუძლია ადამიანის ჯანმრთელობისათვის. კვლევების თანახმად, სწორედ ეს დაბინძურებული ჰაერი იწვევს ისეთ დაავადებებს, როგორებიცაა: ასთმა, გულ-სისხლძარღვთა დაავადებები და ფილტვის ფუნქციის შესუსტება, ხოლო, კიბოთი დაავადებულთა 10-20% კი სწორედ დაბინძურებული ჰაერის ინტენსიური შთანთქმის გამო ავადდება.
აქვე მინდა გაგიზიაროთ სტატისტიკა, რომლის მიხედვითაც, მსოფლიო ჯანდაცვის ორგანიზაციის კვლევის ფარგლებში, ყოველწლიურად, ჰაერის დაბინძურების გამო, საშუალოდ, ექვსი მილიონი ადამიანი იღუპება მსოფლიოში.
ალბათ არ გაგიკვირდებათ, რომ სწორედ ამიტომ ვამახვილებთ ყურადღებას ეკოლოგიურად სუფთა და ჯანსაღ გარემოზე, რასაც დღევანდელი ყოველდღიურობიდან გამომდინარე, საკმაოდ დიდი მნიშვნელობა ენიჭება ყველა ჩვენგანის ცხოვრებაში.
✔️ რაც შეეხება კომპანიასთან თანამშრომლობის უპირატესობებს
პროფესიონალი გუნდი სრულ პასუხისმგებლობას იღებს როგორც პროცესზე, ასევე საბოლოო შედეგზე და ითვალისწინებს თითოეულ დეტალს. ის სრულიად მორგებულია მომხმარებლის ინტერესებზე და ორიენტირებულია საუკეთესო შედეგზე. რაც ყველაზე მთავარია, მათთან თანამშრომლობით, დაზღვეულები ხართ ზედმეტი ხარჯებისგან და შედეგს იღებთ შეთანხმებულ დროში. ალბათ გსმენიათ, რომ კერძო ბრიგადა ხშირად აგვიანებს ჩაბარების ვადებს და ამით მომხმარებელს უფრო მეტი ენერგიის, დროისა და ძალისხმევის გამოყენება სჭირდება, რაც საკმაოდ არაკომფორტულია. კომპანიასთან თანამშრომლობისას, კი ამ ყველაფრისგან სრულიად დაცული ხართ, რადგან ის გაძლევთ გარანტიებს და სრულად იღებს პასუხისმგებლობას მიღებულ შედეგზე.
✔️ რის მიხედვით უნდა შეარჩიოთ კომპანია?
როგორც უკვე ვახსენეთ, დღევანდელ დღეს შექმნილი სიტუაციიდან გამომდინარე, პროფესიონალი გუნდის შერჩევა საკმაოდ რთულია. შერჩევის პროცესში, მნიშვნელოვანია გაითვალისწინოთ ის ფაქტორები, რაც მათთან თანამშრომლობის სურვილს გაგიჩენთ. უპირველესად, უნდა მოიძიოთ სრული ინფორმაცია მათ შესახებ, ყურადღება მიაქციეთ ამ კომპანიის ისტორიასა და ღირებულებებს, შეაფასეთ მათი გამოცდილება ამ სფეროში და ამასთან ერთად, გაითვალისწინეთ, კმაყოფილი მომხმარებლების რაოდენობაც, რადგან მათი შეფასებები გეხმარებათ სწორი გადაწყვეტილების მიღებაში. ყურადღება მიაქციეთ ასევე მათ მიერ შესრულებულ პროექტებს. ხოლო როცა კომპანიას შეარჩევთ, გაუზიარეთ მათ თქვენი სურვილები, ინტერესები და მოლოდინები, რათა წინასწარ დაიჭიროთ თადარიგი და თავი დაიზღვიოთ ყოველგვარი გაურკვევლობისგან.
იმედი გვაქვს, მიღებული ინფორმაცია დაგეხმარებათ თქვენი მიზნებისა და საჭიროებების დადგენაში. როგორც ხედავთ, სასურველი დიზაინის მქონე კოტეჯის აშენება არც ისე რთული პროცესია, ამიტომ არასდროს თქვათ უარი თქვენს სურვილებსა და ოცნებებზე. აქციეთ ისინი რეალობაში, რადგან დღევანდელი თანამედროვე და ციფრული სამყარო ამის საშუალებას გვაძლევს. გამოიყენეთ ყველანაირი რესურსი და შესაძლებლობა ამისთვის!
ბუდაპეშტის ქუჩა #38
555 28 28 38
info@kotejebi.ge
CityMarket.ge -ზე გამოქვეყნებული პუბლიკაციები, სტატიები, ინტერვიუები, ფოტო-ვიდეო-აუდიო მასალები და ა.შ. გამოყენება (გადაბეჭდვა) რეგულირდება მხოლოდ წერილობითი შეთანხმების საფუძველზე
763
