მინაპლასტიკური არმატურა – უნიკალური და ინოვაციური სამშენებლო მასალა
მინაპლასტიკური არმატურა – უნიკალური და ინოვაციური სამშენებლო მასალაა. მის დასამზადებლად გამოიყენება მინაბოჭკო და სხვადასხვა სახის პოლიმერები.
იგი შედგება ორი ძირითადი ნაწილისგან: შიდა ნაწილი წარმოადგენს ბოჭკოთა ერთობლიობას რომლებიც ერთმანეთთან კავშირშია პოლიმერული დღვილის მეშვეობით, და გარე ნაწილი, ეს არის ბოჭკოს მასივი რომელიც სპირალურად დახვეულია შიდა ნაწილზე.როგორც წესი მინაპლასტიკური (კომპოზიტური) არმატურის დაზამზადებლად გამოიყენება შემდეგი კომპონენტები: მინის ბოჭკო, ბაზალტის ბოჭკო, ნახშირის ბოჭკო. თვითოეული მათთაგანი გამოიყენება როგორც დამოუკიდებლად, ასევე წარმატებით შესაძლებელია მათი კომბინირება გარკვეული პროპორციებით.
დღევანდელი დღისთვის ყველაზე მეტი პოპულარობით სარგებლობს მინის ბოჭკოს საფუძველზე დამზადებული კონსტრუქციები. ნახშირის და ბაზალტოპლასტიკური არმატურა გარკვეულწილად უპირატესობასაც ფლობს, მაგრამ იმავდროულად მნიშვნელოვნად ძვირია მინაპლასტიკურ არმატურასთან შედარებით. და სწორად ეს ეკონომიური ფაქტორი არის მიზეზი მინაპლასტიკური არმატურის პოპულარობის როგორც ევროპაში, ასევე ამერიკასა და კანადაში და ასევე რუსეთშიც.მინაპლასტიკური არმატურის კვეთი შესაძლოა იყოს 4-32 მმ-მდე. მინაპლასტიკური არმატურის უპირატესობებიდან მნიშვნელოვანია გამოვყოთ შემდეგი თვისებები: ბევრად მაღალი სიმტკიცე ღუნვასა ჭიმვაზე, კოროზიის მიმართ მედეგობა, მაღალი მედეგობა ტუტეებისა და მარილების მიმართ. მინაპლასტიკური არმატურის გამოყენება შესაძლებელია ფართო ტემპერატურულ დიაპაზონში (-70 დან +100 გრადუსამდე). იგი ინარჩუნებს თვისებებს და მისი ექსპლუატაციის ვადა 100 წელიწადზე მეტია.დღევანდილი დღისთვის, მინაპლასტიკური არმატურა აქტიურად გამოიყენება მშენებლობაში როგორც გამამაგრებელი კომპონენტი როგორც მძიმე ასევე მსუბუქი ბეტონების შემთხვევაში.
მინაპლასტიკური არმატურა წარმატებით გამოიყენება განსხვავებული მიზნებისთვის: მშენებლობაში და საგზაო სამუშაოებში, მათ შორის სარემონტო სარეკონსტრუკციო ღონისძიებებში, ასევე ნაპირსამაგრ სამუშაოებში, ხიდებში, დამბებში და ა.შ.
ძირითადი უპირატესობები :
- მინაპლასტიკური არმატურა ბაზისი არ განიცდის კოროზიას, არ იჟანგება, და არ იცვლის მახასიათებლებს აგრესიულ გარემოშიც კი (მათ შორის ბეტონის ტუტოვან გარემოშიც). მინაპლასტიკურ არმატურას, მდგრადობის მიხედვით, მიაკუთვნებენ ქიმიურად მდგრადი მასალების პირველ ჯგუფს.
- თანაბარი დიამეტრის შემთხვევაში, მინაპლასტიკური არმატურა ბაზისის მაქსიმალური სიმტკიცის ზღვარი2,5-3-ჯერ უფრო მაღალია ვიდრე მეტალის არმატურის. ამის გამო მიღებული იქნა ტერმინი „თანაბარსიმტკიცით ჩანაცვლება” ანუ მეტალის ჩანაცვლება შესაძლებელია უფრო მცირე კვეთის თანაბარი სიმტკიცის მინაპლასტიკური არმატურით.
მინაპლასიკური არმატურა ბევრად უფრო მსუბუქია. მისი წონა 5-ჯერ ნაკლებია თანაბარი დიამეტრის მეტალის არმატურასთან შედარებით, და 9-ჯერ მსუბუქია თანაბარი სიმტკიცის დიამეტრის მეტალის არმატურასთან შედარებით. ეს ყოველივე არა მხოლოდ ამსუბუქებს ბეტონის კონსტრუქციას, არამედ შესაძლებლობას გაძლევთ მნიშვნელოვნად დაზოგოთ მისი დანიშნულების ადგილამდე ტრანსპორტირების დრო და ფინანსური დანახარჯები.მინაპლასტიკური არმატურა ბაზისი, თანაბარი სიმტკიცის მეტალის ანალოგთან შედარებით დაახლოებით 30% ით იაფიამინაპლასტიკური არმატურის სითბური გაფართოების კოეფიციენტი, თითქმის ტოლია ბეტონის გაფართოების კოეფიციენტის;მინაპლასტიკური არმატურა ბაზისი, უკიდურესად დაბალი სითბოგამტარია, რაც მისი გამოყენების შემთხვევაში პრაქტიკულად გამორიცხავს ეგრეთწოდებული „სიცივის ხიდების” არსებობას.
მინაპლასტიკური არმატურა ბაზისი მაგნიტურად ინერტულია. გარდა ამისა კვლევები ადასტურებენ მის გამჭვირვალობას რადიოტალღების მიმართ. სწორად ამის გამო, მინაპლასტიკური არმატურის გამოყენების შემთხვევაში არ შეიქმნება „ყრუ ადგილები” სადაც ცუდათ მუშაობს მობილური კავშირი.
ეკონომია
არჩევანის გაკეთებისას, მეტალის არმატურასა და მინაპლასტიკურ არმატურას შორის, ხშირად არასწორად ანგარიშობენ დანაზოგის ოდენობას. მეტწილად შემოიფარგლებიან ხოლმე მხოლოდ გრძივი მეტრის ფასის შედარებით. მხოლოდ ფასით შედარება, რა თქმა უნდა არ გვიჩვენებს სრულად დანაზოგის მოცულობას. მინაპლასტიკური არმატურა ბაზისის შეძენისას ზოგავთ როგორც ფასში, ასევე ტრანსპორტირების ხარჯებში, არმატურის დატვირთვა/გადმოტვირტვისას და ასე შემდეგ.
ეკონომია დატირთვა/გადმოტვირთვაზე
ერთი მეტრი F12 მეტალის არმატურა იწონის 0,89კგ. შესაბამისად 2000*0,89=1780კგ. საკმაოდ რთული წარმოსადგენია თუ ვინმე შესძლებს თვითონ დატვირთოს მანქანა ამ რაოდენობის არმატურით, ანუ ჩნდება საჭიროება სპეციალური სატრანსპორტო საშუალების, და ტექნიკის ან დამატებითი მუშახელის გამოყენების, რათა შეძენილი არმატურა დატვირთოთ და შემდეგ დანიშნულების ადგილზე მივიტანოთ და გადმოტვირთოთ, რაც რაღა თქმა უნდა ფინანსურ ხარჯებთან არის დაკავშირებული.
მინაპლასტიკური (კომპოზიტური) არმატურა ბაზისი F10 ერთი მეტრი იწონის 0,12კგ, შესაბამისად 2000*0,12=240კგ. თუ გავითვალისწინებთ რომ კომპოზიტური არმატურა შესაძლებელია შევიძინოთ ხვიებით (იხილეთ ფოტო) და ამ ერთი შეკვრის (100მ) წონა არის 12 კგ, ეს იმას ნიშნავს რომ არსებული 2000მ არმატურა შეგვიძლია გადავიტანოთ სპეციალური ძვირადღირებული ტრანსპორტის გარეშე და მის დატვირთვა გადმოტვირთვა არ მოითხოვს სპეცტექნიკას ან დამატებით მუშახელს.
ეკონომია ტრანსპორტირებაზე
ერთი მეტრი F12 მეტალის არმატურა იწონის 0,89კგ.
შესაბამისად 2000*0,89=1780კგ. თუ გავითვალისწინებთ რომ არმატურის თვითოეული ღეროს სიგრძე 11,7 მეტრია, შესაბამისად, გამოდის რომ მის გადასატანად დაგვჭირდება სპეციალური სატრანსპორტო საშუალება, “შალანდა” ან ტრაილერი, ანუ დიდგაბარიტიანი ტრანსპორტი, რაც ხარჯებთან არის დაკავშირებული.
მინაპლასტიკური არმატურა ბაზისი F10 ერთი მეტრი იწონის 0,12კგ, შესაბამისად 2000*0,75=240კგ. როგორც ვიცით, მინაპლასტიკური არმატურა შესაძლებელია შევიძინოთ “ბუხტებით”. ეს კი იმას ნიშნავს რომ მისი გადატანა საკუთარი მანქანითაც შესაძლებელია. ე.ი. ტრანსპორტირების ხარჯები საერთოდ ნულის ტოლია.
ეკონომია გადანაჭრებზე
როგორც უკვე ვიცით, მინაპლასტიკური არმატურა ბაზისი შეგვიძლიათ შევიძინოთ 100მ სიგრძის ხვიებში, რაც ჩვენ შემთხვევაში იდეალური ვარიანტი იქნება. გაიხსნება და დაიჭრება 10 ცალი 10მ სიგრძის. ანუ აბსოლუტურად გადანაჭრების და ნარჩენების გარეშე.
მეტალის არმატურის ღეროს სიგრძე კი სტანდარტულად შეადგენს 11,7 მეტრს. რაც იმას ნიშნავს რომ, ჩვენს შემთხვევაში დაგვჭირდება მათი დამოკლება, ანუ თვითოეულ მათთაგანზე გადასაჭრელი გვექნება 1,7 მეტრი. და თუ გავითვალისწინებთ რომ ჩვენ 200 ცალი 10მეტრიანი (2000მ) ღერი არმატურა გვჭირდება, მივიღებთ რომ, 200ც*1,7მ=340მეტრი არმატურა იქნება დანაკარგში და შესაბამისად 340მ არმატურით მეტის ყიდვა მოგვიწევს.
ეკონომია მუშაობის პროცესში
იმის გათვალისწინებით რომ, მინაპლასტიკური არმატურა ბაზისი არის “ხვიებში”, არის მსუბუქი, რაც სამშენებლო მოედანზე მის გადაადგილებას მნიშვნელოვნად ამარტივებს, ადვილად იჭრება ეგრეთ წოდებული ბალგარკით სასურველ ზომებზე, და ა.შ. ეს ყოველივე დაგვიზოგავს დროს და ფინანსებს არმირებასთან დაკავშირებულ ყველა შესაძლო საფეხურზე.
მინაპლასტიკური არმატურის გამოყენება
მინაპლასტიკური (კომპოზიტური) არმატურის აქტიური გამოყენება მშენებლობაში დაიწყო გასული საუკუნის 80-იანი წლებიდან.
აშშ-ს ბეტონის ინსტიტუტის მონაცემებით 1983 წელს ტრანსპორტის სამინისტროს მიერ დამუშავებულ იქნა პირველი პროექტი „კომპოზიტური მასალების ტექნოლოგიების გამოყენება ხიდების მშენებლობაში” (Plecnik and Ahmad 1988)
90-იანი წლების იაპონიაში უკვე განხორციელდა 100-მდე კომერციული პროექტი მინაპლასტიკური არმატურის გამოყენებით. აზიაში კი ერთ-ერთი უმსხვილესი მომხმარებელი გახდა ჩინეთი. ასევე აქტიურად გამოიყენება კომპოზიტური არმატურა დიდ ბრიტანეთში, რუსეთში, კანადაში, აშშ-ში და ა.შ.
მინაპლასტიკური არმატურა გამოიყენება როგორც კერძო, სამოქალაქო, საწარმოო, ასევე სატრანსპორტო ნაგებობების ელემენტებში, ნაპირსამაგრ და საპორტო ნაგებობებში და ა.შ.
მსოფლიო სამშენებლო ლიტერატურაში მოძიებული წყაროებში მოყვანილი რეკომენდაციების გათვალისწინებით კომპოზიტური (მინაპლასტიკური) არმატურა შეიძლება გამოყენებული იქნას:
✅ გადახურვის ფილებში;
✅ შენობათა ფუნდამენტებში;
✅ აგრესიულ გარემოში (საზღვაო სანაპირო და საპორტო ნაგებობები), ბეტონის კონსტრუქციების არმირებაში;
✅ თხელკედლიან არმირებულ კონსტრუქციებში;
✅ აგურის წყობის არმირებაში;
✅ ელექტრო გადამცემი ხაზების საყრდენ ბოძებში;
✅ სარწყავ არხებში;
✅ საავტომობილო გზების და ხიდების არმირებაში;
✅ მზიდ კონსტრუქციებში (არაუმეტეს სამი სართულის სიმაღლის შენობების);და ა.შ
ჩვენთან თქვენ შეგიძლიათ შეიძინოთ მინაპლასტიკური კომპოზიტური არმატურა ბაზისი, რომელიც ერთმნიშვნელოვნად შესანიშნავია ფუნდამენტისთვის, კედლებისა და იატაკისთვის, ფილისთვის, ნაპირსამაგრი ბეტონის კონსტრუქციებისთვის, ეზოების არმირებისთვის და ა.შ.. ჩვენს მიერ წარმოებული მინაპლასტიკური არმატურა ბაზისი გამოსადეგია ნებისმიერი ზემოთ აღნიშნული მიზნებისთვის, რასაც ადასტურებს შესაბამისობის სერტიფიკატი და კვლევის დასკვნები რაც სისტემატურად ტარდება, და საფუძვლად უდევს წარმოება რომელიც ყველა აუცილებელ სტანდარტს აკმაყოფილებს.
ქ. თბილისი, გმირი კურსანტების #2
032 260 97 07 ; 557 802 802
info@armatura.ge
CityMarket.ge -ზე გამოქვეყნებული პუბლიკაციები, სტატიები, ინტერვიუები, ფოტო-ვიდეო-აუდიო მასალები და ა.შ. გამოყენება (გადაბეჭდვა) რეგულირდება მხოლოდ წერილობითი შეთანხმების საფუძველზე
7854
